Dari Paulus, rasul Kristus Yesus menurut perintah Allah, Juruselamat kita, dan Kristus Yesus, dasar pengharapan kita,
En surat anio' a yaku owo Paulus, si mamualio ruru'du'an i Kristus Yesus kumiit im perénta i Amang Kasuruan Si Lumolowirta wo si Kristus Yesus si paarapenta.
kepada Timotius, anakku yang sah di dalam iman: kasih karunia, rahmat dan damai sejahtera dari Allah Bapa dan Kristus Yesus, Tuhan kita, menyertai engkau.
Ico é Timotius uli-ulit toyaangku am paémanen. Pangilekenku a si Amang Kasuruan wo si Kristus Yesus Kasuruanta, tumambérai ing kamang, tumuru' mai ing kaupusan wo méma' ing katouanmu elur.
Ketika aku hendak meneruskan perjalananku ke wilayah Makedonia, aku telah mendesak engkau supaya engkau tinggal di Efesus dan menasihatkan orang-orang tertentu, agar mereka jangan mengajarkan ajaran lain
An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.
ataupun sibuk dengan dongeng dan silsilah yang tiada putus-putusnya, yang hanya menghasilkan persoalan belaka, dan bukan tertib hidup keselamatan yang diberikan Allah dalam iman.
Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.
Tujuan nasihat itu ialah kasih yang timbul dari hati yang suci, dari hati nurani yang murni dan dari iman yang tulus ikhlas.
Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.
Tetapi ada orang yang tidak sampai pada tujuan itu dan yang sesat dalam omongan yang sia-sia.
Taan awéan sé tou ra'io kiim maéma' im pakasa in itu, séra memaa-maarke' im pepaaren sé ra'ica wana eng katoronaan.
Mereka itu hendak menjadi pengajar hukum Taurat tanpa mengerti perkataan mereka sendiri dan pokok-pokok yang secara mutlak mereka kemukakan.
Séra itu sé masalé' mamuali guru en sumusui in ukum Torat si aipatic i Musa, taan ra'ica kailekan éra sapa em pasusui éra itu.
Kita tahu bahwa hukum Taurat itu baik kalau tepat digunakan,
Kailekanta en ukum Torat itu loor, sa pakén é tou makakii-kiit.
yakni dengan keinsafan bahwa hukum Taurat itu bukanlah bagi orang yang benar, melainkan bagi orang durhaka dan orang lalim, bagi orang fasik dan orang berdosa, bagi orang duniawi dan yang tak beragama, bagi pembunuh bapa dan pembunuh ibu, bagi pembunuh pada umumnya,
En ukum ang Kitap Le'nas itu ra'ica niéma' torona é tou sé maéma' im butul, taan niéma' torona é tou sé ra'ica makiit in ukum wo sé tou ra'ica le'tek, torona é tou léwo' wo sé tou mengaéma' ing kamesé-meséaan, torona é tou makiit ing kasalé'an ing kayo'baan wo ra'ica maéman a si Casuruan, torona é tou sé mengapaté si amang wo si inang, torona é tou sé kinakelian mengapaté tou,
bagi orang cabul dan pemburit, bagi penculik, bagi pendusta, bagi orang makan sumpah dan seterusnya segala sesuatu yang bertentangan dengan ajaran sehat
torona ka'i é tou mengacabul, sé tuama mengacabul a sé kakéléna tuama, sé mapu'is in tou en wangkér émaan ata, sé kotowo, sé tou mengasairi in towo wo ka'i sé tou makélong in sususuien wutul.
yang berdasarkan Injil dari Allah yang mulia dan maha bahagia, seperti yang telah dipercayakan kepadaku.
En sususuien wutul itu aipatic an Abar Kaaruien andumoro' i Yesus Kristus, si asi Amang Kasuruan wangko' owo si patus parayo. Wo en Abar Kaaruien itu aitokéo a yaku en icua.
Aku bersyukur kepada Dia, yang menguatkan aku, yaitu Kristus Yesus, Tuhan kita, karena Ia menganggap aku setia dan mempercayakan pelayanan ini kepadaku –
Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.
aku yang tadinya seorang penghujat dan seorang penganiaya dan seorang ganas, tetapi aku telah dikasihani-Nya, karena semuanya itu telah kulakukan tanpa pengetahuan yaitu di luar iman.
Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.
Malah kasih karunia Tuhan kita itu telah dikaruniakan dengan limpahnya kepadaku dengan iman dan kasih dalam Kristus Yesus.
Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.
Perkataan ini benar dan patut diterima sepenuhnya: ”Kristus Yesus datang ke dunia untuk menyelamatkan orang berdosa,” dan di antara mereka akulah yang paling berdosa.
Sé nunuwu' anio' ulit wo ro'na teriman wo percayanmu. En aicua tana'i: Si Kristus Yesus mai ang kayo'baan en lumowir sé tou ang kamesé-meséaan. Wo a sé im pakasa in tou sé sumangkumo mengaéma' ing kamesé-meséaan, yakuo si kumeli-keli mengaéma' ing kamesé-meséaan.
Tetapi justru karena itu aku dikasihani, agar dalam diriku ini, sebagai orang yang paling berdosa, Yesus Kristus menunjukkan seluruh kesabaran-Nya. Dengan demikian aku menjadi contoh bagi mereka yang kemudian percaya kepada-Nya dan mendapat hidup yang kekal.
Mandé ka'i in taniitu, aituru' i Amang Kasuruan eng kaupusan-Na akar turu' i Kristus Yesus eng katalesenan-Na a yaku si tou keli kamesé-meséaan. Wo in taniitu aku mamuali pengaandéan é tou walina sé mengaéma' ing kamesé-meséaan, wosama' séra ka'i ro'na maéman a si Yesus wo makéré ing katouan akar ing kauré-uré.
Hormat dan kemuliaan sampai selama-lamanya bagi Raja segala zaman, Allah yang kekal, yang tak nampak, yang esa! Amin.
Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.
Tugas ini kuberikan kepadamu, Timotius anakku, sesuai dengan apa yang telah dinubuatkan tentang dirimu, supaya dikuatkan oleh nubuat itu engkau memperjuangkan perjuangan yang baik dengan iman dan hati nurani yang murni.
Toyaangku Timotius! En tawoien anio' iwééku ai co tanu si ainuwu' i Amang Kasuruan a sé jamaat andumoro' ico, wosama' ko ang karapi i nunuwu' itu raméjinmu am paraméjian loor ang karapi i maéman wo in até weresi.
Beberapa orang telah menolak hati nuraninya yang murni itu, dan karena itu kandaslah iman mereka,
Ico ka'i musti tatap maéman a si Apo' Yesus karapi in até weresi wo le'nas. Ampa'paan awéan tou ra'io mengakiit in até weresina akar em paémanen éra materi.
di antaranya Himeneus dan Aleksander, yang telah kuserahkan kepada Iblis, supaya jera mereka menghujat.
An uner éra awéan si Himeneus wo si Aleksander. Séra in dua itu aisarakankuo a si kikiiten é sétang. Niéma'ku in taniitu wosama' séra mape'dis e maojat i ngaran i Amang Kasuruan.
Pertama-tama aku menasihatkan: Naikkanlah permohonan, doa syafaat dan ucapan syukur untuk semua orang,
Kataré-taré sina'uenku kamu mekiupus angé an sombayang wo ipasombayang angé ka'i sé tou walina wo mengawéé mangé i makapulu'sama' a si Amang Kasuruan torona é pakasa in tou,
untuk raja-raja dan untuk semua pembesar, agar kita dapat hidup tenang dan tenteram dalam segala kesalehan dan kehormatan.
torona é kolano wo sé kikiiten wangko' wosama' kita ro'na menonou ang kaeluran wo ang kaaruian. Wo wuta ing kale'tekan wo in siri' a si Casuruan, siituo si patus émaan é tou maéman.
Itulah yang baik dan yang berkenan kepada Allah, Juruselamat kita,
Siituo en loor wo maarui in até-Na, si Lumolowirta,
yang menghendaki supaya semua orang diselamatkan dan memperoleh pengetahuan akan kebenaran.
wo icasalé'-Na ka'i wosama' pakasa in tou malowir wo makailek in sususuien wutul.
Karena Allah itu esa dan esa pula Dia yang menjadi pengantara antara Allah dan manusia, yaitu manusia Kristus Yesus,
Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus.
yang telah menyerahkan diri-Nya sebagai tebusan bagi semua manusia: itu kesaksian pada waktu yang ditentukan.
Sia isumarakano in owak-Na en tumu'bus im pakasa ing kamesé-meséaan é tou. Siituo eng kasairian i Amang Kasuruan si mamuali tuus asi oras si aitantu-Nao.
Untuk kesaksian itulah aku telah ditetapkan sebagai pemberita dan rasul – yang kukatakan ini benar, aku tidak berdusta – dan sebagai pengajar orang-orang bukan Yahudi, dalam iman dan kebenaran.
Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.
Oleh karena itu aku ingin, supaya di mana-mana orang laki-laki berdoa dengan menadahkan tangan yang suci, tanpa marah dan tanpa perselisihan.
Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.
Demikian juga hendaknya perempuan. Hendaklah ia berdandan dengan pantas, dengan sopan dan sederhana, rambutnya jangan berkepang-kepang, jangan memakai emas atau mutiara ataupun pakaian yang mahal-mahal,
Taniitu ka'i wo sé wéwéné, mengakarai angé sé patus am beren é tou, masoma-soma mangé wo tioo tirayo, tioo maéma' im buuk megioo, makasondol i mas kuma'pa mutiara, kuma'pa mekarai ing karai sosor ulit em bééna.
tetapi hendaklah ia berdandan dengan perbuatan baik, seperti yang layak bagi perempuan yang beribadah.
Taan aweso taré sé wéwéné itu mengapasung in owak éra ang karapi mengaéma' sé loor sé patus pengaémaan é wéwéné sé mangaku maapo' a si Amang Kasuruan.
Seharusnyalah perempuan berdiam diri dan menerima ajaran dengan patuh.
Aweso taré sé wéwéné makapeneso mio' wo le'tek makalinga in sususuien in Taar i Casuruan.
Aku tidak mengizinkan perempuan mengajar dan juga tidak mengizinkannya memerintah laki-laki; hendaklah ia berdiam diri.
Ra'ica iwééku sé wéwéné masusui wo ra'ica iwééku ka'i séra merénta sé tuama, aweso taré séra makapeneso mio'.
Karena Adam yang pertama dijadikan, kemudian barulah Hawa.
Ampa'paan si kataré-taré niéma' i Amang Kasuruan si Adam owo, kumawus in itu émaan-Na si Hawa.
Lagipula bukan Adam yang tergoda, melainkan perempuan itulah yang tergoda dan jatuh ke dalam dosa.
Wo ka'i, ra'ica si Adam eng kinauwakan, taan si wéwéné eng kinauwakan i kikiiten é sétang, akar sia sumunduro im perénta i Amang Kasuruan.
Tetapi perempuan akan diselamatkan karena melahirkan anak, asal ia bertekun dalam iman dan kasih dan pengudusan dengan segala kesederhanaan.
Taan si wéwéne itu malowir oka ampa'paan si toyaang aitouna, sa sia uli-ulit maéman a si Casuruan mandé meta'up in okoi wo mengaupus sé tou walina, menonou ang karapi in até weresi an dior i Casuruan wo ka'i em perina ra'ica tirayo.
Benarlah perkataan ini: ”Orang yang menghendaki jabatan penilik jemaat menginginkan pekerjaan yang indah.”
Ulito si nunuwu' anio': “Sé tou masalé' mamuali tou mengatilik an jamaat, sia sumisiro in tawoien loor.”
Karena itu penilik jemaat haruslah seorang yang tak bercacat, suami dari satu isteri, dapat menahan diri, bijaksana, sopan, suka memberi tumpangan, cakap mengajar orang,
Si mengatilik an jamaat, sia itu musti ra'ica wana tou e ro'na méé kaséaan, si wéwéné penanaanna waya in esa, makawoo tumang in owak, mengapaké ing kapinteran asi Casuruan owo, makaperi sumoma, tansaléén mengaterima sé tou am baléna, pinter masusui sé tou,
bukan peminum, bukan pemarah melainkan peramah, pendamai, bukan hamba uang,
ra'ica lalangun, ra'ica tae'bow taan sama' a sé tou, masalé' meelu-eluran wo sé kakélé in tou wo ra'ica ata in doit,
seorang kepala keluarga yang baik, disegani dan dihormati oleh anak-anaknya.
mamuali kikiiten loor am pamaléna, pasiri-siriin wo pengalingan é toyaangna.
Jikalau seorang tidak tahu mengepalai keluarganya sendiri, bagaimanakah ia dapat mengurus Jemaat Allah?
Ampa'paan sa sia ra'ica makawoo en tumu'tul im pamaléna in esa, ra'ica kawisa ka'i sia ro'na tumu'tul sé jamaat i Amang Kasuruan!
Janganlah ia seorang yang baru bertobat, agar jangan ia menjadi sombong dan kena hukuman Iblis.
Sé tou mengatilik an jamaat ra'ica toro sé werupé' maéman a si Casuruan, wosama' sia ra'ica matirayo, ampa'paan sa sia matirayoo, ukumen oka i Casuruan sia tanu si Casuruan mukum si kikiiten é sétang.
Hendaklah ia juga mempunyai nama baik di luar jemaat, agar jangan ia digugat orang dan jatuh ke dalam jerat Iblis.
Sé tou mengatilik an jamaat, e ngaran wo em perina musti loor a sé tou ra'ipé' maéman, wosama' sia ra'ica iséro' é tou wo ra'ica katawéran in ta'kong i kikiiten é sétang.
Demikian juga diaken-diaken haruslah orang terhormat, jangan bercabang lidah, jangan penggemar anggur, jangan serakah,
Taniitu ka'i wo sé maselewir sé jamaat, séra sumémbong tumu'tul sé jamaat, em peri éra musti loor akar pasiriin é tou, ra'ica punek, ra'ica lalangun wo ra'ica longi'.
melainkan orang yang memelihara rahasia iman dalam hati nurani yang suci.
Séra musti menonou ang karapi in até weresi wo uli-ulit makiit in sususuien si aituru'o i Casuruan.
Mereka juga harus diuji dahulu, baru ditetapkan dalam pelayanan itu setelah ternyata mereka tak bercacat.
Wo an tutuw éra ra'ipé' niangkai mamuali maselewir an jamaat, séra ujin owo sumama-sama' é jamaat sapaoka eng katouan éra ra'ica wana tou e ro'na méé kaséaan.
Demikian pula isteri-isteri hendaklah orang terhormat, jangan pemfitnah, hendaklah dapat menahan diri dan dapat dipercayai dalam segala hal.
Taniitu ka'i wo sé penanaan éra, em peri é penanaan éra musti loor akar pasiri-siriin é tou, ra'ica mengawuruk i ngaran é tou walina, makailek matang in owak wo ro'na papercayan am baya-waya.
Diaken haruslah suami dari satu isteri dan mengurus anak-anaknya dan keluarganya dengan baik.
Sé maselewir e masémbong tumu'tul sé jamaat itu, musti wayake' in esa wéwéné em penanaanna. Sia musti makailek maurus ang karapi in loor sé toyaangna wo em pamaléna.
Karena mereka yang melayani dengan baik beroleh kedudukan yang baik sehingga dalam iman kepada Kristus Yesus mereka dapat bersaksi dengan leluasa.
Sa pengaselewiran éra in sumama-sama' sé jamaat, tantu sé mengaselewir itu ka'i pasiri-siriin é jamaat, wo in taniitu ra'ica wana eng kaindé'an éra manuwu' a sé jamaat andumoro' im paémanen éra a si Yesus Kristus.
Semuanya itu kutuliskan kepadamu, walaupun kuharap segera dapat mengunjungi engkau.
Timotius, yaku maarap ra'io uré kita in dua meta'up. Taan mandé ka'i kita ra'ipé' imeta'up, yaku matico in surat anio' ai co,
Jadi jika aku terlambat, sudahlah engkau tahu bagaimana orang harus hidup sebagai keluarga Allah, yakni jemaat dari Allah yang hidup, tiang penopang dan dasar kebenaran.
sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.
Dan sesungguhnya agunglah rahasia ibadah kita: ”Dia, yang telah menyatakan diri-Nya dalam rupa manusia, dibenarkan dalam Roh; yang menampakkan diri-Nya kepada malaikat-malaikat, diberitakan di antara bangsa-bangsa yang tidak mengenal Allah; yang dipercayai di dalam dunia, diangkat dalam kemuliaan.”
Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”
Tetapi Roh dengan tegas mengatakan bahwa di waktu-waktu kemudian, ada orang yang akan murtad lalu mengikuti roh-roh penyesat dan ajaran setan-setan
Icua i Roh Le'nas ang karapi i mauli-ulit, sa matawio en endo kaka'puan ing kayo'baan, awéan oka tou sé maémano a si Casuruan, ra'io ka'i maéman ai Sia. Sé tou itu makiit oka sé sétang wo masélé'kow in tou wo ka'i mengaéma' oka in sususuien é sétang.
oleh tipu daya pendusta-pendusta yang hati nuraninya memakai cap mereka.
Sé tou mengasusui in sususuien mengasélé'kow itu, séra itu punek wo kotowo. En até weresi éra itu imariréimbengo.
Mereka itu melarang orang kawin, melarang orang makan makanan yang diciptakan Allah supaya dengan pengucapan syukur dimakan oleh orang yang percaya dan yang telah mengenal kebenaran.
Pengasusui éra a sé tou ra'ica toro kumawéng, wo ra'ica toro ka'i kuman sé piraan kakanen sé ra'ica toro kanen. En ulitna pakasa eng kakanen niéma'o i Amang Kasuruan ro'na kanen. Wo sé tou maéman sé makaileko in sususuien wutul, sa séra kuman, kumua owo mangé makapulu'sama' a si Amang Kasuruan wo ro'nao kuman.
Karena semua yang diciptakan Allah itu baik dan suatu pun tidak ada yang haram, jika diterima dengan ucapan syukur,
Ampa'paan pakasa sé niéma' i Amang Kasuruan itu loor. Pakasa sé niéma'-Na itu ra'ica wana sé ra'ica toro kanen, sa terimanta ang karapi ing kumua makapulu'sama' a si Casuruan.
sebab semuanya itu dikuduskan oleh firman Allah dan oleh doa.
Ampa'paan pakasa en itu line'nas in Taar i Casuruan wo in sombayangta.
Dengan selalu mengingatkan hal-hal itu kepada saudara-saudara kita, engkau akan menjadi seorang pelayan Kristus Yesus yang baik, terdidik dalam soal-soal pokok iman kita dan dalam ajaran sehat yang telah kauikuti selama ini.
Timotius, sa sé aisusuiku itu icuamu waya a sé poo-poow esa paémanen, ico imamualio ata maselewir in loor a si Kristus Yesus. Wo kete-ketereno mangé en atému ang karapi i nunuwu' i Amang Kasuruan si paémanenta wo karapi in sususuien wutul sé kiniitmuo mai akar intarépé'.
Tetapi jauhilah takhayul dan dongeng nenek-nenek tua. Latihlah dirimu beribadah.
Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.
Latihan badani terbatas gunanya, tetapi ibadah itu berguna dalam segala hal, karena mengandung janji, baik untuk hidup ini maupun untuk hidup yang akan datang.
Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.
Perkataan ini benar dan patut diterima sepenuhnya.
E nunuwu' anio' wutul, wo patus terimanta wo kiitenta ang kerapi mauli-ulit.
Itulah sebabnya kita berjerih payah dan berjuang, karena kita menaruh pengharapan kita kepada Allah yang hidup, Juruselamat semua manusia, terutama mereka yang percaya.
Siituo imangémai kita rumaméji mauli-ulit re'dem mengaselewir a si Amang Kasuruan. Kita méma' in taniitu ampa'paan kita asaloke' mamangén a si Amang Kasuruan si menonou. Sia itu si méé mai ing kalowiran a sé pakasa in tou, lébé-lébépé' ka'i a sé tou maéman.
Beritakanlah dan ajarkanlah semuanya itu.
Icua wo isusuio mangé pakasa en itu a sé tou.
Jangan seorang pun menganggap engkau rendah karena engkau muda. Jadilah teladan bagi orang-orang percaya, dalam perkataanmu, dalam tingkah lakumu, dalam kasihmu, dalam kesetiaanmu dan dalam kesucianmu.
Tioo iwayamu sé tou maepes im beren ai co ampa'paan ko wo'basé'. Taan émaano mangé en owakmu mamuali paandéan an uner é tou maéman, am pakanuwu'mu, am perimu, ang kaupusanmu a sé tou walina, ang kale'tekanmu wo ang kale'nasanmu a si Casuruan.
Sementara itu, sampai aku datang bertekunlah dalam membaca Kitab-kitab Suci, dalam membangun dan dalam mengajar.
An tutuw ko mengento-ngento' yaku maai, lume'te-le'teko mangé ko maca ing Kitap Le'nas torona é tou am bitu. Pokéian wo susuiano mangé sumama-sama' séra wosama' séra makaketer em paémanen.
Jangan lalai dalam mempergunakan karunia yang ada padamu, yang telah diberikan kepadamu oleh nubuat dan dengan penumpangan tangan sidang penatua.
An tutuw sé penatua an jamaat maro ing kama ai co e mutus ico, séra makéréo i nunuwu' asi Casuruan owo. Wo e nunuwu' itu andumoro' ing kamang aitambér-Na ai co. Anaé, pakéno mangé sumama-sama' en tatambér si aiwéé i Roh Le'nas itu.
Perhatikanlah semuanya itu, hiduplah di dalamnya supaya kemajuanmu nyata kepada semua orang.
Émaanmuo mangé mauli-ulit pakasa sé aicuaku. Wo in taniitu kaséréan é tou ko awéan kalébéan maurus sé jamaat.
Awasilah dirimu sendiri dan awasilah ajaranmu. Bertekunlah dalam semuanya itu, karena dengan berbuat demikian engkau akan menyelamatkan dirimu dan semua orang yang mendengar engkau.
Ampa'paan ituo, téirano mangé sumama-sama' en owakmu wo ka'i téirano mangé sumama-sama' en sususuien wutul itu. Ico musti le'tek mengaéma' im pakasa in itu. Sa émaanmu waya en itu, ico lowiren i Amang Kasuruan ang karapi é tou sé mengalinga ai co.
Janganlah engkau keras terhadap orang yang tua, melainkan tegorlah dia sebagai bapa. Tegorlah orang-orang muda sebagai saudaramu,
Timotius! Ico tioo tarepet masina'u a si tuama matu'a mai ai co. Aweso taré' sina'uenmu mangé in sama' sia tanu ko manuwu' a si amangmu. Wo a sé mangalitou, pasina'uenmu mangé in sama' séra tanu ko manuwu' a si tuarimu in esa.
perempuan-perempuan tua sebagai ibu dan perempuan-perempuan muda sebagai adikmu dengan penuh kemurnian.
Taniitu ka'i wo sé wéwéné sé matu'a mai ai co. Musti sina'uenmu mangé in sama' séra tanu ko manuwu' a si inangmu in esa. Wo sé mangala'un, sina'uenmu mangé ka'i séra ang karapi ing kale'nasan in atému tanu ko manuwu' a si tuarimu in esa.
Hormatilah janda-janda yang benar-benar janda.
Pawéanmu mio' rékén sé balu wéwéné sé uli-ulit pinatéano i penanaanna wo ra'io wana sé masémbo-sémbong.
Tetapi jikalau seorang janda mempunyai anak atau cucu, hendaknya mereka itu pertama-tama belajar berbakti kepada kaum keluarganya sendiri dan membalas budi orang tua dan nenek mereka, karena itulah yang berkenan kepada Allah.
Taan sa sé balu wéwéné awéané' toyaang kuma'pa poyo', sé toyaang wo sé poyo'na itu en suma'li ai sia. Musti susuian éra tambisa en sumuli' ing kalooran i inang wo si néné éra. Wo in taniitu, séra maruio in até i Amang Kasuruan.
Sedangkan seorang janda yang benar-benar janda, yang ditinggalkan seorang diri, menaruh harapannya kepada Allah dan bertekun dalam permohonan dan doa siang malam.
Si balu wéwéné si ra'ica wana toyaang wo ra'ica wana poyo' en suma'li, sia asalo mamangén a si Amang Kasuruan. Endo wo em bengi sia menomba-nombayang meki-kiupus a si Amang Kasuruan.
Tetapi seorang janda yang hidup mewah dan berlebih-lebihan, ia sudah mati selagi hidup.
Taan si balu wéwéné masalé'ke' menonou ang kaaruian, sia tanu imatéo mandé ka'i sia menonoué'.
Peringatkanlah hal-hal ini juga kepada janda-janda itu agar mereka hidup dengan tidak bercela.
Ita'néi angé sumama-sama' a sé balu wéwéné pakasa en anio' wosama' séra menonou ang kale'nasan akar ra'ica wana tou muruk i ngaran éra.
Tetapi jika ada seorang yang tidak memeliharakan sanak saudaranya, apalagi seisi rumahnya, orang itu murtad dan lebih buruk dari orang yang tidak beriman.
Ampa'paan sa awéan tou ra'ica kiim murus sé poo-poowna wopé'ka'i kapoownapé' in esa, sia itu isumangkalo im paémanenna a si Yesus. Si tou itu lumébémai eng kaléwo' wo sé tou sé ra'ica maéman a si Casuruan.
Yang didaftarkan sebagai janda, hanyalah mereka yang tidak kurang dari enam puluh tahun, yang hanya satu kali bersuami
Anaé, si balu wéwéné e ro'na daftar é jamaat en tawangen, en atorana tana'i: en umurna ra'ica maina' an enem ngapulu' ngata'- un, wayake' i makasa kawéngen,
dan yang terbukti telah melakukan pekerjaan yang baik, seperti mengasuh anak, memberi tumpangan, membasuh kaki saudara-saudara seiman, menolong orang yang hidup dalam kesesakan – pendeknya mereka yang telah menggunakan segala kesempatan untuk berbuat baik.
wo kailekan ka'i é tou sapaoka sia matawoi in loor tanumai: pengaurusenna in sama' sé toyaangna, pengasungkulenna in sama' sé tou mengaai am baléna, pengaselewiranna in sama' sé tou maéman wo pengatawangenna sé tou ang kasusaan wo mengéma-ngéma' in loor a sé pakasa in tou.
Tolaklah pendaftaran janda-janda yang lebih muda. Karena apabila mereka sekali digairahkan oleh keberahian yang menceraikan mereka dari Kristus, mereka itu ingin kawin
Taan sé balu wéwéné wo'basé' sé ra'ipé' imangé in enem ngapulu' ngata'un, ra'ipé' toro daftar en tawangen. Ampa'paan sa séra kinawasao ing kasalé'an in owak si ra'ica wutul, tantu séra masalé'pé' kawéngen sumawel wo ra'io mengaselewir a si Kristus,
dan dengan memungkiri kesetiaan mereka yang semula kepada-Nya, mereka mendatangkan hukuman atas dirinya.
wo in taniitu, séra kumélongo in janji éra indior en sumelewir a si Yesus. Ampa'paan ituo séra ukumen oka i Amang Kasuruan.
Lagipula dengan keluar masuk rumah orang, mereka membiasakan diri bermalas-malas dan bukan hanya bermalas-malas saja, tetapi juga meleter dan mencampuri soal orang lain dan mengatakan hal-hal yang tidak pantas.
Séra itu asalo mengéra-ngéra asi walé esa wo mangé am balé walina, wo in taniitu séra numaram in owak mengena-ngena'ke'. Wo ra'ica mengena-ngena'ke', séra ka'i mengapaar andumoro' ing kawurukan é tou, marambét in urusan é tou walina wo ka'i memaa-maar sé ra'ica patus.
Karena itu aku mau supaya janda-janda yang muda kawin lagi, beroleh anak, memimpin rumah tangganya dan jangan memberi alasan kepada lawan untuk memburuk-burukkan nama kita.
Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.
Karena beberapa janda telah tersesat mengikut Iblis.
Ampa'paan awéan piraan balu wéwéné wo'basé' icasélé'kowo wo icumiito ing kasalé'an i kikiiten é sétang.
Jika seorang laki-laki atau perempuan yang percaya mempunyai anggota keluarga yang janda, hendaklah ia membantu mereka sehingga mereka jangan menjadi beban bagi jemaat. Dengan demikian jemaat dapat membantu mereka yang benar-benar janda.
Taan sa awéan wéwéné maéman a si Casuruan wo an uner im pamaléna awéan wéwéné balu, si wéwéné maéman itu musti tumawang si balu itu wosama' sia ra'ica mamuali pamuléngen é jamaat. Wo in taniitu sé jamaat ro'na tumawang sé balu walina sé wutu-wutul ra'io wana kapoow.
Penatua-penatua yang baik pimpinannya patut dihormati dua kali lipat, terutama mereka yang dengan jerih payah berkhotbah dan mengajar.
Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.
Bukankah Kitab Suci berkata: ”Janganlah engkau memberangus mulut lembu yang sedang mengirik,” dan lagi ”seorang pekerja patut mendapat upahnya.”
Ampa'paan ang Kitap Le'nas aipatic in tana'i, “Sa awéan sapi ang karoro'an i matawoi, ra'ica toro wa'kesenta em ba'ba'na wosama' sia ro'na kuman.” Wo awéan ka'i aipatic in tana'i, “Sé tou matawoi, patus makéré laasa.”
Janganlah engkau menerima tuduhan atas seorang penatua kecuali kalau didukung dua atau tiga orang saksi.
Sa awéan tou matudu sé penatua an jamaat, ra'ica toro terimanmu em patudunna itu. Taan sa awéan rua kuma'pa telu sairi eng kumeter in tuduan itu, ro'nao terimanmu en tuduan itu wo ro'nao urusenmu si penatua itu.
Mereka yang berbuat dosa hendaklah kautegor di depan semua orang agar yang lain itu pun takut.
Sa sia wutu-wutul méma' ing kamesé-meséaan, sina'uenmu mangé sia an dior é tou maéman. Wo in taniitu sé tou maéman walina maindé' méma' ing kamesé-meséaan.
Di hadapan Allah dan Kristus Yesus dan malaikat-malaikat pilihan-Nya kupesankan dengan sungguh kepadamu: camkanlah petunjuk ini tanpa prasangka dan bertindaklah dalam segala sesuatu tanpa memihak.
Timotius, iwééku en tawoien anio' ai co an dior i Amang Kasuruan wo si Kristus Yesus wo sé malaékat sé sinisir-Nao. Pangilekenku ai co wosama' émaano waya sé aicuaku anio' an jamaat wo ra'ica marapit.
Janganlah engkau terburu-buru menumpangkan tangan atas seseorang dan janganlah terbawa-bawa ke dalam dosa orang lain. Jagalah kemurnian dirimu.
Tioo ko taporak maro ing kama a si séike' mangé en lumantik sia mamuali kikiiten an jamaat. Sa awéan tou méma' ing kamesé-meséaan, tioo ko kumiit mengaéma' ing kamesé-meséaan kaputé éra. Téirano mangé eng kale'nasan ing katouanmu.
Janganlah lagi minum air saja, melainkan tambahkanlah anggur sedikit, berhubung pencernaanmu terganggu dan tubuhmu sering lemah.
Timotius, kailekanku ko pengasakitan in tina'i wo awéan sakit walina. Anaé, ko tioo asalo mengaelep rano kulo'ke', taan maelep angé toyo' anggor en sumama' in sakitmu itu.
Dosa beberapa orang mencolok, seakan-akan mendahului mereka ke pengadilan, tetapi dosa beberapa orang lagi baru menjadi nyata kemudian.
Awéan piraan tou sé kinailekano mengaéma' ing kamesé-meséaan. Mandé ka'i séra ra'ipé' niakim i Casuruan, taan eng kamesé-meséaan éra kailekano waya é tou. Wo sé walina ka'i méma'o ing kamesé-meséaan taan ra'ipé' kinakailekan. Eng kamesé-meséaan éra itu kakailekan oka asi endo mengangai.
Demikian pun perbuatan baik itu segera nyata dan kalau tidak demikian, ia tidak dapat terus tinggal tersembunyi.
Taniitu ka'i awéan tou si méma'o in loor en itu uli-ulit kinakailekano. Taan awéan ka'i sé mengaéma' in loor taan ra'ica kinailekan, kakailekan oka asi endo mengangai.
Semua orang yang menanggung beban perbudakan hendaknya menganggap tuan mereka layak mendapat segala penghormatan, agar nama Allah dan ajaran kita jangan dihujat orang.
Awéan sé ata maémano a si Yesus, séra itu musti mengasiri' si tuang éra. Wo in taniitu, sé tou sé ra'ica maéman a si Yesus ra'ica wana alasan e mojat i ngaran i Amang Kasuruan wo ka'i in sususuienta.
Jika tuan mereka seorang percaya, janganlah ia kurang disegani karena bersaudara dalam Kristus, melainkan hendaklah ia dilayani mereka dengan lebih baik lagi, karena tuan yang menerima berkat pelayanan mereka ialah saudara yang percaya dan yang kekasih. Ajarkanlah dan nasihatkanlah semuanya ini.
Wo sé ata e makatuang maémano a si Yesus, séra ra'ica toro maepes im beren a si tuang éra ampa'paan séra wo si tuang éra puté-puté maéman a si Yesus. Taan taré musti selewiran éra mangé in sama' si tuang éra itu lumébémai ing kanaramen. Ampa'paan si tuang éra ka'i puté-puté maéman a si Yesus, ampa'paan in itu séra musti mengaupus si tuang éra. Timotius! Musti isusui wo sina'umu pakasa en anio' a sé jamaat.
Jika seorang mengajarkan ajaran lain dan tidak menurut perkataan sehat – yakni perkataan Tuhan kita Yesus Kristus – dan tidak menurut ajaran yang sesuai dengan ibadah kita,
Si séi masusui in sususuien walina wo maanggap in sususuien wutul i Apo'ta Yesus Kristus suméa', wo ka'i ra'ica makiit in sususuienta mengaapo',
ia adalah seorang yang berlagak tahu padahal tidak tahu apa-apa. Penyakitnya ialah mencari-cari soal dan bersilat kata, yang menyebabkan dengki, cidera, fitnah, curiga,
isiao si tou tirayo taan ra'ica makailek in sapa-sapa. Em pakawerotna ra'ica wutul ampa'paan asalo maéré-éré alasan ang karapi i meindo-indoan roma'. Ampa'paan sa meindo-indoan roma' tanu siitu, méma'ke' taré sé tou menii-niim ing kasuutan, meréndéran, mengawuruk i ngaran é tou, mengawerot in léwo' a sé tou walina,
percekcokan antara orang-orang yang tidak lagi berpikiran sehat dan yang kehilangan kebenaran, yang mengira ibadah itu adalah suatu sumber keuntungan.
meindo-indoan roma', mawasa-wasa sé ra'ica loor wo ra'io makailek in sususuien wutul. Pawerotenna sa sia mengaapo' a si Amang Kasuruan, sia ro'na masiya'.
Memang ibadah itu kalau disertai rasa cukup, memberi keuntungan besar.
En ulitna sa sé tou uli-ulit mengaapo' a si Amang Kasuruan wo ka'i makapendam in arui asi sapake' in anuna, sia makéréo kamang wangko'.
Sebab kita tidak membawa sesuatu apa ke dalam dunia dan kita pun tidak dapat membawa apa-apa ke luar.
An tutuwta itumou ang kayo'baan anio', kita ra'ica maali mai sapa-sapa. Taniitu ka'i sa kita matéo, kita ka'i ra'ica kawisa maali sapa-sapa.
Asal ada makanan dan pakaian, cukuplah.
Ampa'paan ituo, sa eng karai wo eng kakanen ai cita aweso, sapake' sé ai citao itu en ulitna musti méma' icita mendam in arui.
Tetapi mereka yang ingin kaya terjatuh ke dalam pencobaan, ke dalam jerat dan ke dalam berbagai-bagai nafsu yang hampa dan yang mencelakakan, yang menenggelamkan manusia ke dalam keruntuhan dan kebinasaan.
Taan sé tou sé masalé' masiya', séra itu sé taporak katawéran méma' ing kaléwo'an ampa'paan séra kinawasao ing kasalé'an in owak. Eng kasalé'an in owak éra itu ra'ica wana torona wo méma'ke' taré séra mawendu. Eng kasiwakanna sé tou masalé' masiya', séra katawéran méma' ing kaléwo-léwo'an. Anaé, niéma'o éra in esa en owak icawangkur, en itu puté séra kinata'kongano.
Karena akar segala kejahatan ialah cinta uang. Sebab oleh memburu uanglah beberapa orang telah menyimpang dari iman dan menyiksa dirinya dengan berbagai-bagai duka.
Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.
Tetapi engkau hai manusia Allah, jauhilah semuanya itu, kejarlah keadilan, ibadah, kesetiaan, kasih, kesabaran dan kelembutan.
Taan ko é Timotius, ico tou i Amang Kasuruan, tumayango mangé ko asé pakasa ing kaléwo-léwo'an. Rumaméjio mangé ko kumiit sé anio': tioo mengarapit, mengaapo' mangé makiit ing kasalé'an-Na, le'tek maéman a si Yesus, mengaupus sé kakélé tou, talesen mengasaru ing kasusaan wo ko'kos en até.
Bertandinglah dalam pertandingan iman yang benar dan rebutlah hidup yang kekal. Untuk itulah engkau telah dipanggil dan telah engkau ikrarkan ikrar yang benar di depan banyak saksi.
Ico tinowao i Amang Kasuruan e makéré ing katouan akar ing kauré-uré wo an tutuw itu ko mangaku i mauli-ulit an dior é tou keli sapaoka ko maéman a si Yesus Kristus. Ampa'paano in itu musti timboienmu sumama-sama' eng katouan akar ing kauré-uré si kinéréanmuo itu, tanu sé tou mekowa' rumaméji makéré im piala.
Di hadapan Allah yang memberikan hidup kepada segala sesuatu dan di hadapan Kristus Yesus yang telah mengikrarkan ikrar yang benar itu juga di muka Pontius Pilatus, kuserukan kepadamu:
Intarépé', an dior i Amang Kasuruan si méé mai waya ing katouan wo ka'i an dior i Yesus Kristus si cumua ing kasairian loor an dior i Pontius Pilatus, pangilekenku ai co,
Turutilah perintah ini, dengan tidak bercacat dan tidak bercela, hingga pada saat Tuhan kita Yesus Kristus menyatakan diri-Nya,
wosama' kiitenmu wutu-wutul pakasa em perénta si aicuaku anio', ra'ica toro icélongmu. Anaé ko ra'ica wana kaséaan akar si Apo' Yesus Kristus maai sumawel.
yaitu saat yang akan ditentukan oleh Penguasa yang satu-satunya dan yang penuh bahagia, Raja di atas segala raja dan Tuan di atas segala tuan.
Si Amang Kasuruano in esa en tumantu kawisa si Yesus maai sumawel. Ampa'paan wayake' si Amang Kasuruan e makakawasa em patus iparayo-rayo é tou. Siao si Colano am pakasa é kolano wo Kasuruan am pakasa é kasuruan.
Dialah satu-satunya yang tidak takluk kepada maut, bersemayam dalam terang yang tak terhampiri. Seorang pun tak pernah melihat Dia dan memang manusia tidak dapat melihat Dia. Bagi-Nyalah hormat dan kuasa yang kekal! Amin.
Siao ka'i si ra'ica kakawasaan im papaté. Sia menonou ang kasendotan wo sé tou ra'ica toro sumusut asi sendot itu. Wo ra'ipé' wana tou si sumangkumo suméré Sia. Siake' si patus siriin. Pakasa eng kawasa ai Sia akar ing kauré-uré. Ulit.
Peringatkanlah kepada orang-orang kaya di dunia ini agar mereka jangan tinggi hati dan jangan berharap pada sesuatu yang tak tentu seperti kekayaan, melainkan pada Allah yang dalam kekayaan-Nya memberikan kepada kita segala sesuatu untuk dinikmati.
Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.
Peringatkanlah agar mereka itu berbuat baik, menjadi kaya dalam kebajikan, suka memberi dan membagi
Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.
dan dengan demikian mengumpulkan suatu harta sebagai dasar yang baik bagi dirinya di waktu yang akan datang untuk mencapai hidup yang sebenarnya.
Sa séra méma' in taniitu, séra awéano esa patuuran keter an sorga, wo in taniitu ampa'paano im patuuran itu, séra ro'na makéré ing katouan si makakii-kiit mewali-wali wo si Casuruan sa.
Hai Timotius, peliharalah apa yang telah dipercayakan kepadamu. Hindarilah omongan yang kosong dan yang tidak suci dan pertentangan-pertentangan yang berasal dari apa yang disebut pengetahuan,
Timotius, musti téiranmu sumama-sama' waya sé aitoké i Casuruan ai co. Ra'ica toro kumiit memaa-maar sé ra'ica wana torona sé ra'- ica masiri' si Amang Kasuruan, wo ka'i tioo kumiit meindo-indoan roma' in andumoro' sé pakua é tou “kapinteran”, en ulitna siitu ra'ica kapinteran taan asalo meindo-indoan roma' andumoro' i nunuwu'.
karena ada beberapa orang yang mengajarkannya dan dengan demikian telah menyimpang dari iman. Kasih karunia menyertai kamu!
Awéan piraan tou makiit in sususuien sé pakua éra “kapinteran”, ampa'paan ituo séra ra'io maéman ka'i a si Yesus. Pangilekenku a si Amang Kasuruan wosama' Sia tumambérai ing kamang ai camu.